යම් වරදකට සිරගතව සිට ඉන් නිදහස ලැබූ ත්‍රාස යහපත් ජීවිතයක් ගත කරයි. එවකට සිරගතව සිටි මංකොල්ලකාරයින් පිරිසක් සිරෙන් පැන යාමට ඔහුගෙන් උදව් පතයි. ඊට එකඟ වුවද අවසාන මොහොතේ ත්‍රාස එය මගහැර ගැලවී පලා යයි. ත්‍රාස එසේ උදව් නොකර පලා යාමේ පලිය ගැනීමට එම මංකොල්ල කණඩායම ඔහු සොයා එන්නේ වසර දහ අටකට පසුවය. 

 

මංකොල්ල කණ්ඩායමේ “මර උගුලක්” වැනි සැලසුමකට මැදි වන ත්‍රාස, බිරිඳ පත්මි හා දියණිය චූටි ඉන් ගැලවෙන්නේ දැඩි පරිශ්‍රමයකින් යුතුව සටන් කිරීමෙනි. 

 

එහි ප්‍රතිඵලයක් ලෙස නව ලක්ෂයේ බැංකු මංකොල්ලයේ වැරදිකරුවන් වන මෙම පිරිස නීතිය හමුවට ගෙන ඒමට පොලීසියට හැකි වෙයි. ත්‍රාස ලබන මේ ත්‍රාසජනක අත්දැකීම ඔහුගේ ජීවිතය වෙනත් මානයකට ගෙන යනු ලබයි.

 

“සර් ! මට හොඳ අත්දැකීමක් ලබුණා අපරාධකාරයින් අල්ලන්න ! මමත් අද සිට රහස් පරීක්ෂණ වැඩවලින් රටට සේවයක් කිරීමටයි බලාපොරොත්තුව….” ත්‍රාස එසේ කියන්නේ ඒ.එස්.පී. මහතාටයි. 

 

“බොහෝම හොඳයි !  ත්‍රාසගේ  දක්ෂකම් මුළු ශ්‍රී ලංකාවටම ආඩම්බරයක් !”