යුනිකෝ මුලින්ම චිත්‍රකතා රසිකයින් හමුවට එන්නේ නිවෝලා රාජ්‍යයේ දී ය. නිවෝලා රාජ්‍යයට යුනිකෝ ගේ සම්ප්‍රාප්තිය සිදුවන්නේ අහඹුලෙස ලෙස බව පෙනෙන්නේ ඔහුට එහි සිදුවන දේ ගැන අවබෝධයක් නොමැති වීම නිසාය.

එවකට පවතින්නේ නිබෝලා රාජ්‍යයේ මහරජු වූ රෝග්ලීස් ගේ කෲර පාලන සමයයි. රටවැසියන් අසාධාරණ ලෙස තලා පෙලමින් බධ බන්ධනයට ලක් කරමින් ගෙන ගිය පාලන සමයෙහි දිනයකි ඒ. හේවායෝ දැරියක් පැහැර ගෙන ගොස් ඇත. වැසියන් දිවි ගෙවන්නේ මර බියෙනි..

ඒ මොහොතෙහි අනපේක්ෂිතව හේවායින් පැමිණුන බැවින් තනිවම ඔවුන්ට මුහුණ දීමට යුනිකෝට සිදුවෙයි. අසිපත ද අතට නොගත් ඔහු හේවායින් මර්දනය කරන්නේ ඔවුන් හතර අතට විසි කරමිනි.

රට වැසියන් වෙනුවෙන් කතා කිරීමේ වරදට අසාධාරණ ලෙස සිරගත කළ ටෙරිඩෝ සනෙවියා බේර ගැනීම ඊළඟ වික්‍රමයයි.

වික්‍රමයන් රාශියකට පසුව යුනිකෝ ජයග්‍රහණය ලබා ගනී. ඩිවයිනා දේශයට පිවිසීමේ දී ඇති වන සටන, දැවැන්ත කුරුල්ලකු සමග සටන් වැද ඌ විනාශ කිරීම, එහි පාලකයා වූ වෝගීර් ගේ අත්භූත මාලිගයට පිවිසීම, උපක්‍රමශීලීව වෝගීර් ගේ හා රෝග්ලීස් ගේ කුමන්ත්‍රණය දැන ගැනීම ඉන් කිහිපයකි. ඩිවයිනා දෙව්දුවට අයත් වටිනා මාණික්‍යය හා වස්තුව ලබා ගැනීමට නිවෝලා කුමරිය බිලි දීම එම ක්‍රමන්ත්‍රණය යි.

රාජ්‍යය තුළ ඇති වන ගැටුම් හා හැල හැප්පීම් මැද නිවෝලා කුමරියට කිරුළ පැළඳවීම සිදු වෙයි. රෝග්ලීස් සියතින් මරු වැළඳ ගැනීම සිදු වන අතර ‘වෝගීර් හා තමා නිවෝලා කුමරියගේ පියා ඝාතනය කළ බවට’ පාපෝච්චාරණය කරයි.

අවසානයේ දී නිවෝලා රැජින යුනිකෝ ගැන මෙසේ සඳහන් කරන්නීය.
“යුනිකෝ ඔබ මගේ ජීවිතයේත් නිවෝලා ඉතිහාසයේත් රන් යුගයක් උදාකළා. ඔබ නොසිටින්නට අදත් නිවෝලා රාජ්‍යය අඳුරු යුගයක පාලනය වන්නට තිබුණා. “

නොවෝලා රාජ්‍යයෙන් සමුගෙන යන යුනිකෝ රට වැසියන් ප්‍රීති ඝෝෂා නගන්නේ “යුනිකෝ ඔබ අපට දෙවියෙක්” යයි පවසමිනි.